Эрдўған Германия "ўзига қасд қилаётганини" айтмоқда

Жаҳон 05 Июль 2017 12001
Фото:Presidential Press Service, Pool photo via AP

Туркия президенти Ражаб Тоййиб Эрдўған Германия ҳукумати унга Гамбургдаги G20 саммити вақтида ўз юртдошлари олдида нутқ сўзлашни тақиқлаш қарорини танқид қилди. У бу ҳақда Zeit немис нашрига берган интервьюсида айтиб ўтди. 

"Германия ўзига қасд қилмоқда", деб айтган Эрдўған. Унинг айтишича, Германия бу хатосини тўғрилайди.

Эрдўғаннинг фикрича, немис ОАВ Туркияни ёмонотлиқ қилиш бўйича кампания олиб бормоқда ва террорчиларни қўллаб-қувватлайди. "Агар биз Германия билан муносабатларимиз чок-чокидан йиртилаётгани ҳақида савол берсак, унда аниқ айтаман: немис ОАВ бизга қарши кампания олиб бормоқда, бунинг бир қисми террорчилар билан суҳбатлар ҳисобланади", деб таъкидлаб ўтган Эрдўған. 

Унинг айтишича, Берлин Анқарага Туркиядаги давлат тўнтарувига уринишни амалга оширишда гумонланаётган кимсаларни беришдан бош тортмоқда ва  террорчиликни очиқчасига қўллаб-қувватламоқда. "Сиз бу террорчиларни Туркияга беришингиз керак. Бу юз бермагунча, Туркия Германияга террорчиларни ҳимоя қилувчи давлат сифатида қарайди. Сиз буни билишингиз керак", деб айтган Эрдўған. 

Эрдўған ОАВни ҳам кескин танқид остига олди. Унинг фикрича, "дунёда ҳеч қаерда мустақил ОАВ йўқ". "Маълум маънода уларнинг барчаси мафкуравий борада тобедир, ёки ўз манфаатларини кўзлайди. Агар мустақил ОАВ мавжуд бўлганда, бизда бундай муаммолар бўлмасди, чунки биз аниқ кўрмоқдамиз: улар буринларини шамол бўйича тутмоқдалар", деб қўшимча қилган Эрдўған.

Июнь охирида немис ҳукумати Анқарадан Эрдўған ва турк фуқаролари иштирокида Гамбургда тадбир ўтказиш мурожаатини олган. 29 июнда бу мурожаат рад этилган. 30 июнда Германия ҳукумати барча хорижий сиёсатчиларга Германияда сайловолди ташвиқоти олиб боришни тақиқлагани маълум бўлган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4710 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5583 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21073 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49926 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 5534 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 3505 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 5897 Жаҳон
Хитой хорижий инвестицияларга чеклов жорий қилди
23:08 / 21.08.2017 3142 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 4901 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 4586 Технология
Кўпроқ янгиликлар