АҚШ президенти Дональд Трамп шу кунгача ўз президентлигининг ҳар бешинчи кунини гольф-клубларда ўтказган. Бу ҳақда Трампнинг инаугурациясидан кейин унинг гольф-клубларга ташрифларини кузатиб борган NBC News хабар бермоқда

Таъкидланишича, Трамп президентлигининг 165 кунидан 36 кунини гольф ўйнаб ўтказган. Асосан Трамп Флорида штатидаги Палм-Бичда гольф ўйнайди. У, шунингдек, ўзининг Нью-Жерси ва Вашингтондаги гольф майдонларига ҳам ташриф буюриб туради.

The Hill нашрининг маълум қилишича, Трамп 4 июль – АҚШ Мустақиллиги куни муносабати билан дам олиш кунини ҳам гольф-клубда ўтказмоқчи бўлган.

Баъзи мансабдор шахсларнинг фикрича, Трамп гольф ўйинини дипломатия қуроли сифатида ишлатади.