Тошкент вилоятининг республикада амалга оширилаётган  кенг қамровли  ўзгаришларга ўз ҳиссасини қўшишни истаган, “Жаҳолатга қарши маърифат” шиори остидаги маърифий  тадбирларда фаол иштирок этишни ният қилган нуроний отахон ва онахонлари (бугунги кунда 250 мингга яқин ёшлик бўйича нафақахўрлар  бор) “Набирамга  бир китоб” акцияси ташаббуси билан чиқишди.  Улар 5 июль куни Тошкент вилоятининг  маъмурий маркази - Ўрта Чирчиқ туманидаги  “Маънавият ва маърифат” марказида  бўлиб ўтган (2017 йил 5 июль соат 10 00 даги) тадбирда  фаол иштирок этишди.

Тадбирда нуронийлар китоб ярамаркасига ташриф буюрган кам таъминланган оилаларнинг фарзандларига ҳамда радикал оқимларлар таъсирига тушган оилаларнинг фарзандларига уларни қизиктирган мавзуларга доир китобларни совға қилишди.

Вилоят нуронийлари йил давомида камида 2 нафардан  болаларни (набираларини) китобга бўлган қизиқишини кучайтириш ҳамда вилоят ҳудудидаги китоб дўконлари ва кутубхонларга ёшларни жалб қилишга ёрдам беришни  ўзларига  вазифа  қилиб олишди.