Ўзбекистон ёшлар иттифоқи раисининг ўринбосарлари сайланди

Ўзбекистон 05 Июль 2017 18685
Фото: Xushnudbek.uz

Бугун, 5 июль куни, Ўзбекистон ёшлар иттифоқи Марказий Кенгашининг биринчи йиғилиши бўлиб ўтди. Йиғилишга Ўзбекистон Республикаси Бош вазири Абдулла Арипов бошчилик қилди.

Ўзбекистон ёшлар иттифоқи Марказий кенгаши аъзоси Хушнудбек Худайбердиев ўз сайтида маълум қилишича, йиғилиш кун тартибида бир қанча масалалар кўриб чиқилди, хусусан Ўзбекистон ёшлар иттифоқи Марказий Кенгаши раисининг ўринбосарлари сайланди.

Иттифоқнинг ташкилий тузилмасига кўра, Марказий Кенгаш раисининг 6 нафар ўринбосари лавозими жорий этилди.

Марказий Кенгаш раисининг тадбиркорликни ривожлантириш, ёшларни ижтимоий ҳимоялаш ва бандликка кўмаклашиш масалалари бўйича биринчи ўринбосари сифатида бунгача «Камолот» ЁИҲнинг раиси сифатида фаолият олиб борган Таджиев Одилжон Фотихжонович сайланди.

Халқаро алоқалар, жамоатчилик билан ишлаш, АКТларни жорий қилиш ва туризмни ривожлантириш бўйича ўринбосар сифатида бунгача Ёшлар ташаббуслари маркази раиси сифатида фаолият олиб борган Бекназаров Камолиддин Турсунпўлатович сайланди.

Маънавий-маърифий, ижтимоий-сиёсий масалар бўйича ўринбосар сифатида бунгача Хотин-қизлар қўмитаси етакчи мутахассиси сифатида фаолият олиб борган Каттаханова Дилноза Собир қизи сайланди.

Ташкилий-кадрлар масалалари бўйича ўринбосар сифатида эса Шукуров Ўткирбек Илхамович сайланди. Ўткирбек Шукуров аввал ҳам «Камолот» ЁИҲнинг ташкилий-кадрлар масалалари бўйича раис ўринбосари сифатида фаолият олиб борган эди.

Таълим муассасалари билан ишлаш бўйича ўринбосар, «Камалак» болалар ташкилоти раиси сифатида Зуфаров Муроджон Миржалолович сайланди.  У бугунги кунгача «Камалак» болалар ташкилоти раиси вазифасини бажарувчи сифатида фаолият олиб бораётган эди.

Молия-иқтисод масалалари бўйича ўринбосар сифатида бугунгача Ҳисоб палатасида фаолият олиб борган Мақсудов Суҳробжон сайланди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20088 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23592 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12073 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13025 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42254 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53465 Жамият
Кун.uz офис изламоқда
15:48 / 06.08.2017 48024 Lifestyle
ОАВ: Барселонадаги теракт ижрочиси ҳужумдан 4 кун аввал Парижга борган
17:59 49 Жаҳон
Бектемир туманида  маъмурий назорат қоидаларини бузган шахс қўлга олинди
Мактаб ва поликлиникалардаги бухгалтериялар қисқартирилади
17:57 140 Жамият
Кўпроқ янгиликлар