«Тошиссиққуввати» ишлаб чиқариш бирлашмаси унитар корхонаси томонидан Тошкент шаҳрида 21 июлдан иссиқ сув ва иссиқлик тизими учун янгиланган тарифлар жорий этилди. Бу ҳақда корхона сайтида хабар берилган.

Янги белгиланган нархларга кўра, пойтахтда бир кубометр иссиқ сув учун ҳисоблагич бор ҳолатда 3915,90 сўм тўланади. Эски тарифга мувофиқ мазкур нарх 3736,92 сўмни ташкил этарди. 

Ҳисоблагичларсиз эса пойтахт аҳолиси 1 кубометр иссиқ сув учун 15292, 52 сўм тўловни амалга оширишади. Илгари бу нарх 14593,56 сўмни ташкил этарди. 

Марказий иситиш тизими учун бир ойлик тариф турар-жой квадрат метри учун 1323,86 сўмни ташкил этмоқда. 

Аввалроқ 21 июлдан совуқ сув тарифи ошиши ҳақда маълумот берилган эди.