60 нафар қиз Инҳа университети дастурлаш курсларида бепул таълим олади

Жамият 06 Июль 2017 3323

Бир ой давомида 60 нафар қиз Тошкент шаҳридаги Инҳа университети қошидаги CodeCraft дастурлаш курсларида бепул таълим олади. Бу ҳақида университет сайтида маълум қилинди

Мазкур таълим лойиҳаси Тошкент шаҳридаги Инҳа университети ташаббуси билан Буюк Британиянинг Ўзбекистондаги элчихонаси ҳамкорликда ташкил этилди.

Лойиҳа доирасидаги дарслар 10 июль куни бошланади. Дарслар 15 кишилик 4 гуруҳда икки соатдан ҳафтасига уч марта ўтказилади. Лойиҳа иштирокчилари “Scratch” тилида дастурлаш ва “MIT App Inventor” платформасидаги “Android” мобил иловаларини яратишни ўрганишади.

CodeСraft курслари раҳбари Нуриддин Нуримов шундай деди: “Мазкур қўшма лойиҳа қизларнинг салоҳиятини оширишга ва ахборот технологиялари соҳасида гендер тенгликни таъмирлашга қаратилган. Ҳозирда дастурлаш эркакларнинг касби деб қараладиган стереотип мавжуд. Қизлар ҳам яхши дастурчи бўлиши ва эркак дастурчиларга рақобат муҳитини яратиши мумкин”.

«Қизлар дастурлашни келажак касблари сифатида танлашса, фойда кўришади. Масалан, турмуш қурганларидан сўнг ёки бола парвариши вақтида, уйларидан туриб буюртмаларни бажаришлари ва пул ишлашлари мумкин. Бу орқали улар оила бюджетига маблағ келтириб, ўзларининг иқтисодий мустақиллигини таъминлашади», - деди у.

2015 йилда Тошкент шаҳридаги Инҳа университети 9 ёшдан 15 ёшгача бўлган болалар учун “Codecraft” лойиҳасини ишга туширди. Лойиҳанинг мақсади болажонларнинг барча салоҳиятларини рўёбга чиқариб, компьютерда ижодий ишларни бажаришга ўргатишдир.

Ҳозирда лойиҳа доирасидаги дастурлаш курслари “Scratch” тилида ўтилиб, “MIT App Inventor” платформасидаги “Android” мобил иловалари асосида веб-сайтларни яратиш ўргатилади.

Кун янгиликлари
Абитуриент ҳикояси: “Мен ўқув маркази томонидан алдандим”
10:34 / 20.08.2017 30076 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 42352 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 158808 Жамият
Кун.uz офис изламоқда
15:48 / 06.08.2017 45019 Lifestyle
Ла-лига. «Барселона» ғалаба билан бошлади
01:32 112 Спорт
Илон Маск БМТдан жанговор роботларни тақиқлашни талаб қилмоқда
Коалиция бомбалари остида 80 нафар суриялик ҳалок бўлди
00:27 769 Жаҳон
РФПЛ. «Ростов» «Краснодар» билан дуранг ўйнади, Шомуродов захирадан майдонга тушди
00:23 417 Спорт
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 1891 Жаҳон
Бундеслига. «Боруссия» М ғалаба қозонди, «Айнтрахт» дуранг ўйнади
00:13 166 Спорт
Кўпроқ янгиликлар