Америкаликларнинг аксарияти аҳолисининг кўпчилиги мусулмонлардан ташкил топган мамлакатлар фуқароларини АҚШга киритмаслик бўйича ҳукумат тақиқини қўллаб-қувватлайди. Politico газетаси буюртмаси бўйича Morning Consult тадқиқот фирмаси томонидан ўтказилган ижтимоий сўров натижасига кўра, овозлар 60/28 нисбатда Дональд Трамп маъмурияти фойдасига тақсимланган. Мазкур тақиқ Эрон, Ливия, Сомали, Сурия, Судан ва Яманга тегишлидир. 

Газета олинган натижаларни изоҳлар экан, "амалда бу сиёсат президент шахсиятидан фарқли равишда анча машҳурроқ бўлиши мумкин", деган фикрни илгари сурмоқда. Чунки, Трампнинг шахсий рейтинги айни вақтда 40 фоизлик кўрсаткич атрофида. 

Ижтимоий сўров 29-30 июнь кунлари ўткзилган бўлиб, унда 2 минг атрофида киши иштирок этган.