АҚШ президенти Доналд Трамп, Япония бош вазири Синдзо Абэ ва Жанубий Корея президенти Мун Жэ Ин келгусида КХДР томонидан эҳтимолий ҳужумларга жавобан уч томонлама альянсни мустаҳкамлаш бўйича келишиб олишди. Бу ҳақда давлат раҳбарларининг қўшма баёнотида айтилган.

"Уч сиёсатчи КХДР томонидан бўлиши мумкин ҳар қандай ҳужумларга қарши туриш бўйича ҳаракатларни қатъийлаштириш, эҳтимолий ҳужумларга жавоб беришга тайёр туриш бўйича альянсни мустаҳкамлашга келишиб олишди. Улар КХДР томонидан туғиладиган таҳдидга қарши уч томонлама ҳамкорликни давом эттиришади. Президент Трамп Қўшма штатлар Корея Республикаси ва Японияни ўзининг бор имконияти билан ҳимоя қилишини тасдиқлади", дейилган Оқ уй тарқатмасида.