Америка разведкаси 2016 йилги президентлик сайловларидан кейин мамлакатда россиялик жосуслар сони ошган, деб ҳисоблайди. Бу ҳақида 6 июль куни CNN телеканали хабар берди

Телеканал манбалари Қўшма Штатлари ҳудудида Россиядан келган 150 жосус аниқлангани ҳақида маълумотга эга. Уларнинг таъкидлашича, 2016 йилнинг декабрида АҚШдан 35 дипломати чиқариб юборилганидан кейин Россия разведкаси ўз кучлари сонини кўпайтиришга киришган. 

Марказий разведка бошқармасининг махсус операциялар бўйича собиқ раҳбари Стив Холлнинг телеканалга билдиришича, россиялик жосусларнинг мақсади - "Москва учун тушунарсиз бўлган" АҚШ президенти Дональд Трамп ҳақида маълумот тўплаш.