Ўзбекистонда жазирама: ҳавонинг ўта исишига нима сабаб ва у қачонгача давом этади?

Жамият 07 Июль 2017 79365

Сўнгги кунларда ҳаво ҳарорати исиб кетди. Тошкент шаҳри ва вилоятларда ҳаво ҳарорати 45 даража ва ундан юқорини кўрсатмоқда. Фавқулодда вазиятлар вазирлиги тақдим этган маълумотга кўра, ушбу ҳарорат кўрсаткичи 9 июлга қадар давом этади. 

Одатда июль - йил давомидаги энг иссиқ ой деб ҳисобланади. Ҳавонинг ўртача ойлик ҳарорати июнь ойи ҳароратидан 2-2,5 даражага юқори бўлади. Ўзбекистонда кузатиш йиллари давомида энг иссиқ июль ойларидаги ҳаво ҳарорати 42-44 даражагача, жанубда 47-49 даражагача юқорилаган.

Айни дамда Ўзбекистонда кузатилаётган иссиқ об-ҳавони атмосферадаги жануби-ғарбий оқимлар шакллантирмоқда. Бундан ташқари, улар билан бирга Республика ҳудудларига жанубий ҳудудлардан, асосан, Эрон ҳудудларидан иссиқ об-ҳаво кириб келмоқда, деб маълум қилмоқда Ўзбекистон Гидрометеорология хизмати маркази Кун.uz’га.

Марказ берган маълумотга кўра, кейинги кунларда ҳаво ҳарорати кўтарилиши давом этади ва кундузги соатларда термометр кўрсаткичи 42-43, жанубда 44-45, шимолда ва чўл ҳудудларида 44-45 даража бўлган жуда иссиқ об-ҳаво ҳарорати сақланиб туради. Шу кунлардаги ҳарорат қийматлари қатор ҳудудларда ўз ҳудудларининг тарихий максимумларига яқин бўлади.

Фавқулодда вазиятлар вазирлиги маълумотига кўра, инсон тана ҳарорати 37.1 даража иссиқдан кўтарилиши ёки тана ҳарорати 38.8 даражага кўтарилиб, инсон саломатлигига салбий таъсир этиши мумкин. Инсон тана ҳароратининг кўтарилиши тананинг қизаришига ва кучли чанқоққа, кейинчалик, хушдан кетиш, нафас қисиши ва юрак тўхташига олиб келиши мумкин.

Вазирлик берган тавсияга кўра, оч рангдаги, ҳаво ўтказувчи (иложи бўлса пахта хомашёсидан) кийим ва бош кийимлардан фойдаланиш зарур. Куйган тана қисми совимайди ва терламайди. Шошмасдан ҳаракатланиш, иложи борича соя жойларда бўлиш талаб этилади. Пиво ва бошқа алкоголь маҳсулотларни истеъмол қилиш тавсия этилмайди, бу организмнинг умумий ҳолатига салбий таъсир этиши мумкин. Иссиқ кунда шифокорлар билан маслаҳатлашган ҳолда, қўшимча тузли маҳсулотлар ва мева, сабзавотлардан истеъмол қилинади.

Жазирама иссиқ натижасида офтоб урганда зудлик билан соя жойларда сақланинг, зудлик билан душ қабул қилинг ёки шамол бор жойга ўтилади ва аста-секинлик билан кўпроқ сув истеъмол қилинади. Офтоб урушидан сақланиш мақсадида иложи борича баданни совутишга ҳаракат қилиш зарур.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 51801 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16199 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 98703 Ўзбекистон
БМТ бош котиби ва Хавфсизлик Кенгаши Барселонадаги терактни қоралаб чиқди
10:11 16 Жаҳон
Америкалик конгрессмен КХДРга қарши кенг кўламли киберҳужумни амалга оширишга чақирди
10:09 23 Жаҳон
Бемор арз қилишига нима сабаб бўлди?
62 ёшли эркак дунёнинг энг узун дарёларини сузиб ўтиб рекорд ўрнатди 
10:06 191 Жамият
Хитойда биринчи интернет-суд очилди
10:03 155 Жаҳон
БМТ: Испания қочқинлар билан ишлаш учун етарли манбага эга эмас
10:00 81 Жаҳон
Европа лигаси. «Милан» македонларга 6та гол урди, «Марсель» Слования клубини енга олмади ва бошқа натижалар
09:58 250 Спорт
Кўпроқ янгиликлар