Синай тоғларида жойлашган авлиё Екатерина монастири кутубхоначилари топиб олган VI асрга оид қўлёзмада «медицина отаси», қадимги юнон врачи Ҳиппократнинг рецептларига дуч келишди. Бу топилма ҳақида Мисрнинг қадимий осори атиқалар вазири Холид ал-Аноний айтиб ўтган. Унинг сўзларини «Ahram Online» нашри келтирмоқда.

Қўлёзма реставрация ишларини олиб бориш давомида топилган. Аниқланишича, тарихий ҳужжатдан номаълум муаллиф томонидан ёзиб қолдирилган Ҳиппократнинг тиббий рецептлари ва доривор ўсимликларнинг суратлари ўрин олган. Тадқиқотчиларнинг фикрича, у қадимий «палмезитлар» — икки қават териларга ёзилган қўлёзмалар турига мансуб.

Қадимий осори-атиқалар вазирлигининг қибтийларга оид археологик ҳужжатлар бўлими раҳбари Аҳмад ан-Нимарнинг сўзларига кўра, рецептлар матни терининг биринчи қаватига ёзилган ва ўчиб кетган ёзувлари устидан ёзилган. Бу материал ўша пайтда жуда қиммат бўлганлиги сабабли шундай қилинган.

«Палмезит»нинг иккинчи қаватида «Синай қўлёзмаси» тасвирланган, унга яна Қўҳна Аҳднинг бир қисми, Янги Аҳднинг эса тўлиқ тексти ҳам мансуб.

Авлиё Екатерина монастирида олти мингдан зиёд қўлёзма сақланади. Уларнинг энг қадимийлари эрамизнинг IV асрига оид. Қўлёзмалар араб, юнон, эфиоп, қибт, арман ва сурия тилларида ёзилган.