Volkswagen автомобилсозлик концерни тормоздаги муаммолар сабабли бутун дунё бўйлаб 766 минг автомобилини қайтариб олмоқда. Компания баёнотига кўра, машиналарда кескин тормоз бериш вақтида тормоз тизими ишламай қолиши хавфи бор.  

Бу муаммо компаниянинг ўз синовлари вақтида аниқланган. Германияда VW, Skoda ва Audi маркаларининг 385 минг автомобили қайтариб олинади, бундан 288 мингтаси Volkswagen брендига тегишли. Ортга қайтариб олинган моделларда тормоз назорати тизими ABS/ESP учун дастур янгиланади.