Ўзбекистонлик ва туркиялик шифокорлар ҳамкорликда мураккаб операцияларни ўтказишди

Жамият 08 Июль 2017 8317

Туркия Жумҳурияти ва Ўзбекистон Республикаси Соғлиқни сақлаш вазирлиги ҳамда Туркия Жумҳурияти Бош вазир девони ҳузуридаги Туркия Ҳамкорлик ва мувофиқлаштириш агентлиги - ТИКА ҳамкорлигида “Ўзбекистон-Туркия Саломатлик ҳафталиги” шу йилнинг 2-7 июль кунлари 7 йўналишда (анестезиология ва реаниматология, болалар кардиоваскуляр жарроҳлиги, урология, гинекология, ортопедия, умумий жарроҳлик ва болалар жарроҳлиги) Туркиядан келган жами 19 шифокор иштирокида амалга оширилди. 

ТИКА ташкилоти ва Туркия Жумҳурияти Соғлиқни сақлаш вазирлиги билан узоқ йиллардан бери самарали ҳамкорлик қилиб келаётган Тошкент педиатрия тиббиёт институти клиникаси, Республика ихтисослаштирилган акушерлик ва гинекология илмий-амалий маркази, Чирчиқ шаҳридаги Перинатал марказ, Янгийўл ва Олмалиқ шаҳарларидаги туғуруқ мажмуалари ҳамда Урганч шаҳридаги Онкология диспансери ва Республика ихтисослаштирилган урология марказининг Урганч бўлимидаги шифохоналарда ўзбекистонлик шифокорлар билан ҳамкорликда беморларга тиббий хизмат кўрсатилди ва 7,5 соат давом этган оғир операциялар ҳам амалга оширилди. 

“Саломатлик ҳафталиги” давомида ўзбекистонлик ва туркиялик шифокорлар ўзаро тажриба алмашишди ва оғир жарроҳлик амалиётларида камда кам ишлатиладиган услуб ва техникаларни қўллаган ҳолда муваффақиятли операцияларни амалга оширишди. Лапороскопик услубда амалга оширилган операцияларни видеоконференция воситасида бир неча ўнлаб ўзбекистонлик шифокорлар кўриш имкониятига эга бўлдилар. Жумладан, юрак операцияси, цистэктомия, нефректомия ва болаларда лапороскопик усулда қилинган операциялар камералар воситасида намойиш этилди. 

Ўзбекистонлик ва туркиялик шифокорлар иштирокида 5 кун давом этган операциялар натижасида, 180 беморга маслаҳатлар берилиб, улардан 80 нафари бепул операция қилинди. Бу операцияларда 151 нафар ўзбекистонлик шифокорнинг иштирок этиши таъминланиб, туркиялик шифокорларнинг амалий ва назарий билим ва тажрибалари билан ўртоқлашиш имкони яратилди. 

“Саломатлик ҳафталиги” доирасида шифокорларга мурожаат қилган, лекин ҳозирда операция қилиш имконияти бўлмаган 6 нафар бемор боланинг Туркияда операция қилиниши ва даволанишлари бўйича келишиб олинди. Бу болаларнинг Туркиядаги операциялар билан боғлиқ барча ҳаражатлари Туркия Жумҳурияти томонидан қопланади. 

“Саломатлик ҳафталиги”ни муваффақиятли амалга оширишда Туркия Жумҳуриятининг Ўзбекистондаги элчихонаси, ТИКАнинг Тошкентдаги ваколатхонаси, Ўзбекистон Республикаси Соғлиқни сақлаш вазирлиги вакиллари, Ўзбекистондаги клиникалар ва ТРТнинг Ўзбекистондаги ваколатхонаси ва Туркиянинг “Анадўлу” агентлиги вакиллари ҳамкорликда иш олиб боришди. 

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 6442 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 18156 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 44593 Жамият
Кун.uz офис изламоқда
15:48 / 06.08.2017 46387 Lifestyle
Балиқни саноат йўли билан овлаш учун қандай участка олиш мумкин?
Россия Ўзбекистон, Қирғизистон ва Тожикистон билан ҳарбий машғулотлар ўтказади
10:45 1501 Жаҳон
Видео: АҚШда асосчи оталар монументини йўқ қилишни исташмоқда
10:40 1976 Жаҳон
Андижон вилоятида йирик миқдорда ўғирлик қилган аёл ушланди
10:33 2736 Жамият
Неймар: «Барселона»да шундай раҳбарият бор экани жуда қайғули
10:31 3426 Спорт
Жанубий Корея президенти: АҚШ билан машқлар кескинликни оширишга йўналтирилмаган 
10:23 1065 Жаҳон
Кўпроқ янгиликлар