Интернетда Apple’нинг янги қурилмаси тўртта рангда чиқарилиши ҳақида миш-мишлар пайдо бўлди, улар орасида янги дизайн ҳам бор – шишалиси.

Янги дизайнерлик қарори ҳақидаги маълумот Вениамин Гескиннинг твиттердаги саҳифасида пайдо бўлди. Мутахассис iPhone 6s’нинг шишали корпусидаги фотосуратини тақдим этди ҳамда iPhone 8’нинг тўртинчи “рангги” шундай бўлишини таъкидлаб ўтди.

Айни дамда iPhone 7 олтита рангда сотилмоқда: оникс, қора, кумуш ранг, тилла, пушти тилла ранг ва қизил.

Аввалроқ iPhone 8’даги дисплей диагонали 5,8 дюймга тенг бўлиши, шу билан бирга, қурилманинг ҳажми iPhone 7’дан катта бўлмаслиги маълум қилинганди.

Янгилик бозорга икки вариантда – 64 ва 256 Гбайт ички хотира билан чиқарилади.