«Касперский лабораторияси» мутахассислари POS-терминалларга ҳужум қилувчи ва банк карталари маълумотларини ўғирловчи Neutrino «троян»и модификациясини аниқлашди.

«Бизнинг мамлакатга (Россия) бу зарарли дастурнинг барча ҳужумларининг чорак қисми тўғри келади. Neutrino таъсир доирасига Жазоир, Қозоғистон, Украина ва Миср ҳам тушган. Барча уринишларнинг 10 фоизга яқини кичик бизнес корхоналарига зарар етказган», дейилган хабарда.

Лаборатория маълумотига кўра, Neutrino  POS-терминаллар учун — ноодатий вирус дастури версиясидир. Бундай вирус тадқиқотчиларга маълум ва бир неча марта тарқалиш методлари ҳамда функцияларини ўзгартирган. Бу сафар троян зарарланган терминаллар орқали банк карталарига тушмоқда.

Шу билан биргаликда Neutrino дарҳол маълумот йиғишга киришмайди. POS-терминали тизимига тушгач, троян бироз вақт кутади. Экспертларнинг тахмин қилишича, бу орқали у ҳимоя механизмини айланиб ўтишга ҳаракат қилади.