Маккейн Афғонистондаги урушни бой бериш сабаби қаердалигини айтди

Жаҳон 10 Июль 2017 9041
Фото: cbsnews.com

АҚШ Афғонистондаги вазиятни нормаллаштириш стратегиясига эга эмас ва деярли 16 йил муқаддам Осиёнинг ушбу давлатида бошлаган урушни бой бермоқда. АҚШ Конгресси Сенатининг қуролли кучлар ишлари бўйича қўмита раиси Жон Маккейн  шундай фикрни билдирди

У шу кунларда Америка сенаторлари делегациясига раҳбар сифатида Афғонистон, Покистон ва БААга ташриф буюрган эди. Америка қонунчилик органи вакиллари Кобулда давлат раҳбарияти ҳамда АҚШнинг ушбу мамлакатдаги ҳарбий контингенти қўмондони генерал Жон Николсон билан музокаралар ўтказди. 

"Бизда стратегия йўқ, шу сабаб ютқазаяпмиз", - деган Маккейн CBS телекомпанияси эфирида Афғонистондаги вазиятни изоҳлар экан. Бунда сенаторнинг қайд этишича, афғон миллий армияси "жиддий йўқотишлар"ни бермоқда. "Биз янги стратегияни ишлаб чиқишимиз керак", - дея ишонч билдирган сенатор. 

"Биз муаммо нимада эканини биламиз. У Оқ уйда, - деб қайд этган Маккейн. – Афсуски, Оқ уйда келишмовчилик ҳукм сурмоқда".

Ҳозирда, Афғонистонда халқаро коалициянинг 13 мингга яқин ҳарбий хизматчиси бўлиб, шундан 8,4 мингга яқини америкалик аскар ва офицерлардир. АҚШ ҳукуматининг Афғонистонни реконструкция қилиш бўйича бош инспектори Жон Сопко хулосасига кўра, Кобул ҳукумати 2015 йил ноябрь ойида мамлакатнинг 72 фоиизини назорат қилган бўлса, 2016 йил ноябрь ойи ҳолатига биноан бу ҳудуд 57 фоизгача қисқарган. 

Ўтган ҳафтада The Wall Street Journal нашри ёзганидек, Оқ уй АҚШ мудофаа вазирлигига (Пентагон) Афғонистонга мустақил равишда 3,9 мингдан ортиқ бўлмаган қўшимча кучларни юборишга рухсат берди. Нашр манбаларига кўра, шу йилнинг июнь ойида президент Дональд Трамп Пентагон раҳбари Жеймс Мэттисга Афғонистондаги ҳарбийлар сонини мустақил равишда аниқлаб олиш ваколатларини берган эди. Бундан ташқари, вазирга қўшимча кўрсатмалар юборилган.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4248 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5109 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20761 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49710 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3841 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 2268 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 4212 Жаҳон
Хитой хорижий инвестицияларга чеклов жорий қилди
23:08 / 21.08.2017 2403 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3615 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3691 Технология
Кўпроқ янгиликлар