Тошкент электр тармоқларидаги аварияларга нима сабаб бўлмоқда?

Ўзбекистон 10 Июль 2017 23918

Сўнгги кунларда ҳаво ҳарорати 40, ҳатто 45 даражадан ошиб кетаётгани (Фарход бозори ярмаркасидаги сояда турган термометр кўрсаткичи 50дан ошганини эътиборга олмайман, чунки Метеорология маркази термометрлари бошқача ўлчар) қишлоқлардан ҳам кўра, кўп қаватли уйлар қуршовидаги йирик шаҳарларда, айниқса, ўз кучини кўрсатмоқда.

Ёзнинг чилласи бошланиши билан жазирама кунлар аксарият шаҳарликлар учун ҳақиқий сабр-бардош синови бўлмоқда. Ижтимоий тармоқларнинг ўзбек сегментида бу борадаги фикрларни кўплаб учратиш мумкин. Хусусан, тошкентлик ижтимоий тармоқ фойдаланувчилари, шаҳарнинг турли туман ва мавзеларидан постлар қолдириб, ҳудудида электр таъминотида узилишлар бўлаётганидан, тармоқдаги кучланиш кескин пасайиб кетаётганидан, ҳатто электр таъминоти бир неча кунлаб бўлмаётганидан нолиб, фикрлар қолдиришмоқда.

Кун.uz таҳририяти мазкур ҳолатни изоҳлашни сўраб “Тошкент шаҳар электр тармоқлари корхонаси” АЖга мурожаат қилди. Мухбир саволига шаҳар электр тармоғи энергия сотиш бошқармаси бошлиғи Даврбек Имомов жавоб берди.

Даврбек Имомов, шаҳарда ўта юқори иссиқ ҳарорат кузатилаётгани ва одатдагидан узоқроқ давом этаётганини билдирар экан, электр таъминотидаги узулишларни қуйидагича изоҳлади:

“Тошкент шаҳрида авваллари, ёз мавсумида бир кеча кундузда кўпи билан 14.33 млн кВт*с электр қувватига эҳтиёж бўлар эди (бир ойда 430 млн кВт*с). Сўнгги кунлардаги жазирама туфайли бу рақам 18-19 млн кВт*соатга чиқиб кетмоқда. Сўнгги кунда бу рақам 20 млн кВт*соатга етган. Бу бир ойда 500-600 млн кВт*соат электрэнергиясини англатади”.

Унинг сўзларига кўра, “шаҳарликларнинг охирги йиллардаги турмуш кечириш шароити аввалги бир неча ўн йилликлардагидан кескин фарқ қилади. Тан олиш керак, музлатгичлар, ҳаво совутгичлар, микротўлқинли печлар, телевизорлар сони кескин ошган. Кўплаб хонадонларда бу каби техникалар бир нечтани ташкил этади”. “Шунга биноан, - дейди Имомов, - аҳолининг электрэнергиясига бўлган эҳтиёжи ортиб бормоқда. Шаҳарга ўрнатилган трансформаторлар, подстанцияларнинг бунга кучи ва техник имконияти жавоб бермаяпти. Уларнинг кўпи 1950 – 60 йилларида ва ундан кейинги вақтларда ўрнатилган”.

Яшнаобод туманидаги трансформатор будкаси ёниши натижасида бир инсон ҳалок бўлди

Унинг маълум қилишича, шаҳарда жами 5,5 минг трансформатор ва 73та юқори кучланишли подстанция бўлиб, шу пайтга қадар  бир йилда маблағ ажратилишига мос равишда 10 тадан 50 тагача трансформатор алмаштирилмоқда.

Мухбирнинг бу камлик қилмайдими, ахир 5,5 минг трансформаторнинг ҳаммасини алмаштириш учун кўп муддат (йилига янгиси қурилмасдан 55 тадан алмаштирилса, бир аср керак бўлади, унгача алмаштирилганлари эскириб бўлади!) талаб қилинади ва қачон бу жараён якунланади, деган мазмундаги саволига маблағ ажратиш кўпайтирилаётгани, келгуси 3 йилларда алмаштириш жараёни якунланиши ҳақида сўз юритди.

Шу ўринда, бу муаммони ҳал этишнинг йўлларидан бири сифатида ТЭКТ АЖга таклиф. Балки, электр узатиш тармоқларини мижоз манзилигача тўлиқ янгилашда хусусий тадбиркорлар ва компанияларни жалб этиш устида ишлаш лозимдир. Бунинг учун, “Ўзбекэнерго” АЖ билан ҳамкорликда қонунчилик ташаббуси билан Ҳукуматга мурожаат қилиш керакдир!?  

Мухбирнинг электр узатиш тармоғида кучланиш пасайиб кетаётгани сабабли хонадон эгаларида норозилик келиб чиқаётгани, уларнинг электр уй жиҳозлари ишдан чиқса, кимга мурожаат қилишлари кераклиги, нима қилишлари лозимлигига ҳам Даврбек Имомов ойдинлик киритди.

“Шундай ҳолатда туман электр тармоғига ёзма мурожаат қилинади. Мутахассислар, электр тармоғидаги кучланиш пасайишига нима сабаб бўлганини жойига чиқиб ўрганишади ва хулоса беришади. Агар, шартномада кўзда тутилган форс-мажор (яъни, электр узатиш тармоғидаги нуқсонсиз, бошқа сабаб билан кучланиш кўтарилиб ёки тушиб кетган бўлса) ҳолати рўй бергани аниқланса, ишдан чиққан техникалар учун ТЭКТ масъулиятни зиммасига олмайди.

Унинг аниқлик киритишича, ҳозирги жазирама кунларда электр энергиясига талабнинг кескин ошиши туфайли кучланишнинг пасайиши ёки момақалдироқ каби ҳолатларда кучланишнинг ортиб кетиши форс-мажор шартларига киради.

Толиб Раҳматов, Кун.uz мухбири

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 8499 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 42141 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 67792 Ўзбекистон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 41223 Ўзбекистон
Бобурбек Мадраҳимов қандай қилиб тест синовларида 306,9 балл тўплади?
10:58 / 16.08.2017 147893 Жамият
Кун.uz офис изламоқда
15:48 / 06.08.2017 39955 Lifestyle
Камқонликда озиқланишнинг уч қоидаси 
14:26 119 Жамият
Мирзиёев Қозоғистон мудофаа вазири билан ҳарбий ҳамкорликни муҳокама қилди
Януковичга давлат томонидан тақдим этилган адвокат уни ҳимоя қилишдан бош тортди
13:32 1489 Жаҳон
Ўктам Барноев: Бухорода 500 дан ортиқ диний зиёрат қадамжолари бор
Кўпроқ янгиликлар