G20 давлатлари саммитида қабул қилинган "Африка ҳамкорлиги" дастури ёрдамида ушбу қитъада 1 млндан ортиқ ишчи ўрни ташкил этилиши, шу билан муҳожирларнинг Европага оқими тўхташи мумкин. Жанубий Африка республикаси президенти Жейкоб Зума шундай фикрда.

"Бу ҳамкорлик бизнинг миллий манфаатларимизга жавоб беради. Чунки, у барқарор ва инклюзив иқтисодий ўсишга олиб келади. Аёллар ва ёшлар ўртасида бандликка ёрдам беради ҳамда қашшоқлик ва тенгсизликка қарши курашади", - деган Зума Ҳамбургда бўлиб ўтган саммитдан қайтар экан. 

Зуманинг фикрича, Африканинг қишлоқ ёшлари орасида бандликка кўмаклашиш бўйича "катта йигирмалик" ташаббуси 2022 йилгача 1,1 млн иш ўрнини барпо этиши ва 5 йил ичида 5 млн ёшларга инновациявий таълим бериши мумкин. "Африка ҳамкорлиги", шунингдек, аёллар ўртасида тадбиркорликни ривожлантиришни кўзда тутади. 

"Бундай дастурлар фуқароларнинг кучайиб бораётган ва дунёнинг жиддий муаммоларига сабаб бўлаётган норозилик кайфиятларига қарши курашиш учун зарур", - деган Зума.