Абхазияда талончилик оқибатида олинган жароҳатлари туфайли россиялик сайёҳ ҳалок бўлди. Бу ҳақда мамлакат ИИВ маълумот берган.

ТАСС ахборот агентлиги вазирликка асосланиб хабар беришича, ҳодиса Гудаут тумани ҳудудидаги Ачандара қишлоғида рўй берган.

«Балиқ овидан қайтаётган бир гуруҳ сайёҳларга автомат ва пичоқлар билан қуролланган кишилар ҳужум уюштириб, пул талаб қилишган. Қаршилик кўрсатганлардан бири оғир жароҳат олган, у кейинчалик шифохонада жон берган», — дейилган ИИВ хабарида.

Айни вақтда жиноятчиларни қидириш ишлари олиб борилмоқда.