Қатарликларга тегишли минглаб туялар Саудия Арабистони ҳукумати ўз ҳудудидан қатарликларга туя подаларини олиб чиқиб кетишни талаб қилгандан кейин ташналикдан нобуд бўлди. Бу ҳақда The Independent нашри хабар бермоқда. 

"Мен Саудия Арабистонидан қайтдим. Ўз кўзларим билан йўлда ётган 100 дан кўпроқ ўлик туя ва қўйларни кўрдим", деб айтди туя тўдаларидан бирининг эгаси Ҳусайн Ал-Маррий.   

Турли ҳисоб-китобларга кўра, охирги кунларда Қатарда 12 мингдан 25 минггача туя нобуд бўлган.

Қатар ҳукумати фермерларга ёрдам беришга қарор қилиб, чегарада махсус оромгоҳлар ташкил қилишган.