«Бавария»нинг янги футболчиси сифатида таништирилган Корентин Толиссони Nike либосида бўлгани шов-шув келтириб чиқарди. 

22 ёшли франциялик бу футболчи камералар қаршисида бундай катта клубга қўшилганидан хурсандлиги ҳақида гапирар экан, журналистлар унинг шортиги «Бавария» ҳомийси Adidas компаниясининг асосий рақобатчиси Nike ёрлиғи остида эканига эътибор қаратишган. 

Adidas — «Бавария»га шунчаки либос тайёрлаб берадиган бренд эмас, балки клуб акцияларининг бир қисмига (9,1 фоиз) эгалик қиладиган йирик ҳомий ҳам ҳисобланди.