Мексиканинг Мичоакан штатида жойлашган футбол майдонидаги ер 250 даражага қадар қизиб кетди, ёриқлардан буғ чиқмоқда. Бу Пуэбло-Вьехо аҳоли пунктида юз берган. Футбол майдонида ўтлаб юрган иккита қўзи ҳалок бўлди.

Мутахассислар ҳозирча ер қобиғининг ҳеч қандай фаоллигини тасдиқлашмади, деб хабар бермоқда РИА «Новости». Бу вулқон шакллангани имкониятини истисно этмайди.

Мексика ҳудудида ердаги энг ёш вулқон Парикутин жойлашган. У Мичоакандаги маккажўхори майдонининг ўзида 1943 йилда пайдо бўлган.