Аргентина прокурори Эдуардо Тайано мамлакат судидан коррупцияда гумон қилинаётган бош прокурор Алехандр Хильс Карбони сўроққа чақиришни сўради. Ушбу сўров маъмуриятнинг янгиликлар порталига жойлаштирилди, деб хабар қилмоқда ТАСС агентлиги. 

Ҳужжатга мувофиқ, прокурор Хильс Карбо ва яна икки кишини "давлатга зарар етказган фирибгарлик, мансабини суиистеъмол қилиш, пора олиш, таъсиридан фойдаланиш ва давлат мулозимига мумкин бўлмаган савдо фаолиятини олиб бориш" кабиларда айбланмоқда.

Мазкур суриштирув 2013 йили прокуратура эҳтиёжи учун 43,85 млн песо (2,6 млн доллар) турадиган бинони харид қилиш билан боғлиқ. Айблов томонига кўра, гумондорлар тендер ғолибини, натижа эълон қилинмасдан, аниқлаб қўйишган. "Маъмурий жараён қонуний кўринган бўлса-да, аслида у давлат манфаатларига зид бўлган ҳамда айбланувчиларнинг фойда олишига асос бўлган фирибгарликлар натижасидир", - дейилади ҳужжатда. 

Тайанонинг сўрови президент фармони билан бош прокурорни ишдан олиш ҳақидаги миш-мишлардан сўнг юборилди. Умуман олганда, бу ҳам мамлакат конституциясига зиддир. Аргентинанинг прокуратура тўғрисидаги қонунчилигига кўра, идора бош раҳбари парламент ташаббуси билан қўлланган импичмент натижасида "ишдан олиниши мумкин". Ҳукумат тарафдорлари эса, бунинг Конгресснинг икки палатасида ҳам етарлича тарафдорларга эга эмас. 

Хильс Карбо 2012 йили ўша вақтдаги президент Кристина Фернандес де Киршнер томонидан лавозимига тайинланган.