Швейцария миллий банки раҳбари Ўзбекистон пул-кредит сиёсати ислоҳоти ҳақида

Иқтисодиёт 12 Июль 2017 18636

Бошқарув кенгаши раиси Томас Жордан бошчилигидаги Швейцария Миллий банки (The Swiss National Bank, SNB) делегацияси айни пайтда Ўзбекистонда бўлиб турибди. Мамлакатимизда бўлган икки кун ичида меҳмонлар марказий банк, Банклар ассоциацияси ва Ўзбекистоннинг бошқа идораларида сермаҳсул учрашувлар ва музокаралар ўтказишга улгуришди. Бугун эса улар кўҳна ва навқирон Бухорода бўлишди. 

Ташриф давомида делегация раҳбари Т.Жордан «Жаҳон» ахборот агентлигига эксклюзив интервью берди. Жумладан, у «Жаҳон» АА мухбири Ш.Турғунбоевга шундай деган:

— Биз замонавий Ўзбекистонда амалга оширилаётган ўзгаришлардан жуда яхши хабардормиз. Мамлакат иқтисодиётда, шу билан бир қаторда банк соҳасида муҳим ислоҳотларни кўтаринки руҳда амалга ошираётганини кўриш қувончли. Мен республикадаги саъй-ҳараакатларнинг қамрови ва миқёсидан чиндан ҳам ҳайратга тушдим.

Ўзбекистон жуда катта салоҳиятга эга, узоқни кўзлаб олиб борилган сиёсат билан истиқболда салобатли иқтисодий ўсиш ва равнаққа эришиш мумкин.

Ўзбекистонда режалаштирилаётган пул-кредит сиёсати бизда жуда катта қизиқиш уйғотмоқда. Биз ташланаётган қадамларни синчковлик билан кузатмоқдамиз ва Марказий банк ислоҳотларнинг оптимал йўлини танлашига ишончимиз комил. 

Қайд этиш қувонарлики, бизнинг идораларимиз орасида яқин алоқалар ўрнатилган. Биз нафақат алоқаларнинг ўрнатилган даражасини сақлаб қолиш, шунингдек, ҳамкорлигимизни ҳартомонлама кенгайтириб, амалий мазмун-моҳият билан бойитмоқчимиз. Хусусан, айни пайтда монитар сиёсатнинг турли жабҳаларига оид бир қатор қўшма лойиҳалар муҳокама этилмоқда. Бизнинг банкимиз ўзгаришларни ўтказиш жараёнида Ўзбекистон марказий банкига кўмак ва маслаҳат беришга тайёр.

Бизнинг ҳамкорлигимиз шулар билангина чекланиб қолмайди ва биз иккитомонлама манфаатли ҳамкорлик учун янги йўналишларни излаб топиш ниятидамиз.

Кун янгиликлари
Forta Business Education – тадбиркорлар учун энг зарур бизнес форум
12:46 / 21.07.2017 3259 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 36538 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 46542 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 83833 Жамият
РФПЛ. "Локомотив" сафарда ЦСКАни мағлуб этди
00:24 696 Спорт
Эрталаб уйқудан туриш нега бироз мушкул?
00:10 2040 Lifestyle
Тест синовларида уяли телефонлардан фойдаланмаслик йўли: алоқани бутунлай узиш шарт(ми?)
23:43 / 21.07.2017 4151 Жамият
LG Q8 смартфонини ишлаб чиқарди
23:37 / 21.07.2017 1333 Технология
АҚШ 2016 молия йили учун Покистонни ҳарбий компенсациялар миқдорининг ярмисидан маҳрум қилади
23:35 / 21.07.2017 578 Жаҳон
Партия “уйғонди”: Сарвар Отамурадов уюшмаган ёшлар билан мулоқот қилиш мақсадида Наманганга келди
23:31 / 21.07.2017 1213 Ўзбекистон
Кўпроқ янгиликлар