Туркия хавфсизлик кучлари ИШИД террорчилик гуруҳига алоқадорликда гумонланган 233 кишини қўлга олди, деб хабар бермоқда Туркия хавфсизлик бош бошқармаси.

"Мамлакатнинг 29 вилоятида ўтказилган амалиётлар давомида ИШИДга алоқадорликда гумонланаётган 233 киши қўлга олинди. Амалиётлар пайтида қўлга олинган 25 нафар хорижлик фуқаро ҳудудий миграция бошқармаларига топширилди", - дейилади хабарда.

Аввалроқ Туркия марказий қисмидаги Кония вилояти маъмурияти, қўлга олиш жараёни чоғида отишма юз бергани, унда ИШИДнинг беш нафар эҳтимолий жангариси йўқ қилингани ҳамда тўрт полициячи яраланганини хабар берди.