Африканинг Замбия давлати парламенти мамлакат президенти Эдгар Лунгунинг фавқулодда ҳолат тартиби тўғрисидаги қарорини маъқуллади. Танқидчилар бу ҳужжатни президентнинг ўз ҳокимиятини мустаҳкамлаш йўлидаги қарор сифатида баҳолашмоқда. 

Парламентдаги мухолифат аъзолари 11 июль куни бўлиб ўтган овоз бериш жараёнида иштирок этишмаган. Улар президентни қўллаб-қувватловчи ҳукмрон партиянинг 85 нафар аъзосининг ўзларини қолдиришган. 

Лунгу  пойтахт Лусака шаҳрининг марказий бозорини ёқиб юборишда мухолифатни айблаб, улар аҳоли орасида қўрқув ва террорни ёймоқчи эканини таъкидлаган. Унинг фикрича, шу сабабли, фавқулодда ҳолат тартибини жорий қилиш билан кескин чоралар кўриш керак. 

Африканинг барқарор ва бирмунча демократик мамлакатидаги вазиятнинг таранглашувига мухолифатнинг бош етакчиси Ҳакаинде Ҳичилеманинг қўлга олиниши асос бўлди. У ўтган йилги сайловларда мағлубиятга учраган эди. 

Ҳичилема яна беш киши билан бирга қонуний ҳукуматни ағдаришга уринишда айбланмоқда. 

Ҳукмрон Ватанпарварлар фронти сиёсий мақсадларни кўзлаган ҳолда варварларча электр тармоқларига ўт қўйилишига чек қўйиш мақсадида ҳуқуқ-тартибот идораларига кенг ваколатларни тақдим этди. 

Шундай қилиб мамлакат полицияси Замбия фавқулодда ҳолат қонунчилигига кўра, митингларни тақиқлаши, йўлларни тўсиши, ҳаракатланишни чеклаши мумкин. 

Ҳичилеманинг Миллий тараққиёт учун бирлашган партияси Лунгунинг қарорини демократияни сўндириш ва диктаторликка ҳозирлик кўриш деб баҳолади.