«Яндекс» ва Uber таксиларга онлайн-буюртма бўйича ўз бизнесларини бирлаштириш ва бунинг учун янги компания ташкил этиш ҳақида қарор қабул қилишди. Бу ҳақда «Яндекс» блогида хабар берилди.

Таъкидланишича, компания Россия, Озарбойжон, Арманистон, Беларусь, Грузия ва Қозоғистонда ишлайди.

Хабарларга кўра, «Яндекс» ва Uber янги компанияга мос равишда 225 ва 100 млн доллардан сармоя киритиш ҳақидаги қарорга келишган, қўшма компания 3,725 млрд долларга баҳоланади.

«Яндекс.Такси» сервиси бош директори Тигран Худавердяннинг қайд этишича, компаниянинг 59,3 фоизи «Яндекс»га, 36,6 фоизи Uber’га, 4,1 фоизи эса қўшма компания ходимларига тегишли бўлади.