БААдан Покистонга парвоз қилаётган Pakistan International Airlines (PIA) авиакомпанияси самолёти кучли шамол сабаб ҳалокатга учрашига бир бахя қолди. Бу ҳақда Gulf News газетаси ёзмоқда.

Ҳодиса Абу-Дабидан Пешовор шаҳрига йўл олган рейс билан содир бўлди. Лайнер ёқилғи бакларидан биридаги ташқи қатлам парвозга кўтарилиш чоғида шамол сабаб учиб кетган. Бироқ, учувчилар манзилга эсон-осон етиб боришди ва ҳаво кемасини муваффақиятли қўндиришган.

Самолёт Бача Хон номидаги Пешовор халқаро аэропортига қўнганидан сўнг йўловчилар эвакуация қилинди. Фавқулодда ҳодиса сабаб ҳеч ким жабрланмади.

Покистоннинг The Express Tribune нашри аниқлик киритишича, аэропортда зарар етган ёқилғи баки алмаштирилди. Шундан сўнг лайнер Покистоннинг Карачи шаҳрига учиб кетган.