iPhone 8 камерасининг бош хусусияти ошкор қилинди

Технология 13 Июль 2017 19409

Apple компанияси янги iPhone 8’нинг камераси учун лазерли датчик устида иш олиб бормоқда. Бу ҳақда аноним манбага таяниб Fast Company хабар берган. Лазерли датчик фотосуратлар сифатини оширади ва тўлдирилган реалликда объектларнинг тасвирини яхшилайди.

Қайд этилишича, Apple VCSEL лазер датчигидан фойдаланишни мўлжалламоқда. Унинг ёрдамида смартфон саҳнанинг чуқурлигини аниқлай олади, яъни кадрдаги турли объектлар орасидаги масофани фарқлайди. Шундай қилиб, тўлдирилган реалликда объектларнинг жойлашиши яхшиланади. Бундан ташқари, лазерли датчик оддий съёмка вақтида автофокуснинг сифати ва тезлигини оширади.

«VCSEL лазерли тизими объектдан датчиккача лазер ўтувчи масофани аниқлаб беради. Тизим манба (SCSEL лазери), объектив, датчик ва процессордан иборат. Буларни ошкор этган манбанинг таъкидлашича, битта смартфонга бундай тизим ўрнатилиши икки долларга тушади», — дейилади хабарда.

Июль ойи бошида ўтказилган WWDC 2017 конференциясида Apple тўлдирилган реаллик учун ARKit тизимини тақдим этган эди. Тизим йил охирида iOS 11 релизидан сўнг фойдаланишга топширилади.

Янги iPhone’нинг тақдимоти кузда Apple’нинг йиллик конференцияси чоғида бўлиб ўтади. Миш-мишларга кўра, смартфон 5,8 дюймли, пикселлар зичлиги 521 ppi бўлган OLED-дисплей билан таъминланади. Шунингдек, у симсиз қувватлаш қурилмаси билан биргаликда сотилиши мумкин.

Кун янгиликлари
Forta Business Education – тадбиркорлар учун энг зарур бизнес форум
12:46 / 21.07.2017 3259 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 36538 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 46542 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 83833 Жамият
РФПЛ. "Локомотив" сафарда ЦСКАни мағлуб этди
00:24 696 Спорт
Эрталаб уйқудан туриш нега бироз мушкул?
00:10 2040 Lifestyle
Тест синовларида уяли телефонлардан фойдаланмаслик йўли: алоқани бутунлай узиш шарт(ми?)
23:43 / 21.07.2017 4151 Жамият
LG Q8 смартфонини ишлаб чиқарди
23:37 / 21.07.2017 1333 Технология
АҚШ 2016 молия йили учун Покистонни ҳарбий компенсациялар миқдорининг ярмисидан маҳрум қилади
23:35 / 21.07.2017 578 Жаҳон
Партия “уйғонди”: Сарвар Отамурадов уюшмаган ёшлар билан мулоқот қилиш мақсадида Наманганга келди
23:31 / 21.07.2017 1213 Ўзбекистон
Кўпроқ янгиликлар