Россия президенти матбуот котиби Дмитрий Песков Москва туман ҳарбий суди томонидан сиёсатчи Борис Немцовнинг ўлдирилиши бўйича иш юзасидан айбланувчиларга чиқарилган ҳукмларга изоҳ берди. Бу ҳақда «Газета.ru» хабар қилмоқда.

Песков, Кремлнинг суд ҳукмига муносабати ҳақидаги саволга жавоб бераркан, шундай деди: «Биз суд қарорига изоҳ бермаймиз».

Шу билан бирга, матбуот котиби Немцовнинг ўлдирилишига буюртма берганлар топилади, деб умид билдирган.

Аввалроқ Немцовнинг қотили бўлган Заура Дадаев 20 йилга озодликдан маҳрум этилгани хабар қилинганди. Шу билан бирга, бошқа айбланувчилар 11 йилдан 19 йилгача озодликдан маҳрум этиш жазосига маҳкум этилди.