Тошкент вилоятининг турли туманларида ўғрилар ушланди

Жамият 13 Июль 2017 6045

Тошкент вилояти ИИБда бўлиб ўтган матбуот брифингида ички ишлар идораларининг 7-13 июль кунлари вилоят кесимида амалга оширилган ишлари юзасидан ахборот берилди. Хусусан, вилоятнинг бир неча туманида ўғрилик жиноятлари фош этилгани маълум қилинди. 

5 июль куни Юқоричирчиқ туман ИИБга шу туманда яшовчи К.А. ариза билан мурожаат қилган. У жорий йилнинг 2 июль кунига ўтар кечаси номаълум шахс ҳеч ким йўқлигидан фойдаланиб, уйи олдида қаровсиз қолган тегишли «Кобальт» русумли автоуловидан умумий нархи тахминан 5 млн сўмлик 4 та балонини дисклари билан ечиб ўғирлаб кетганини маълум қилган. 

Олиб борилган тезкор чора-тадбирлар натижасида ушбу жиноятни Зангиота туманида яшовчи, вақтинча ишсиз О.Т. ва Тошкент шаҳри Олмазор туманида яшовчи, вақтинча ишсиз, Р.М. содир этганлиги аниқланиб, қўлга олинган.

Яна бир ўғрилик Янгийўл туманида содир этилган. 7 июль куни туман ИИБга Фарғона вилоятида яшовчи, вақтинча ишсиз Т.Г. ариза билан мурожаат қилган. У ўз аризасида жорий йилнинг 3 июнь куни соат 12:30 ларда номаълум шахс ҳеч ким йўқлиги ва эшиги очиқ қолганлигидан фойдаланиб, эркин йўл билан Янгийўл тумани Самарқанд кўчасида жойлашган “Деҳқон бозори” олдида турган унга тегишли «Нексия» русумли автоулови салонидан нархи тахминан 1 млн 2 юз минг сўм бўлган 1 дона «Samsung Galaxy J1» русумли уяли алоқа телефонини ўғирлаганлигини маълум қилган. 

Олиб борилган тезкор чора-тадбирлар натижасида ушбу жиноятни Янгийўл туманида яшовчи, вақтинча ишсиз, Ш.Р. содир этганлиги аниқланиб, ушланган. 

8 июль куни Бухоро вилоятида яшовчи Х.Х. ариза билан Зангиота тумани ИИБга мурожаат қилиб, жорий йилнинг 6 июль куни соат 07:00 дан 07:30 гача бўлган вақт оралиғида номаълум шахс, ҳеч ким йўқлигидан фойдаланиб, эркин йўл билан кириб, Зангиота тумани ҳудудида жойлашган «Бек-барака» савдо комплексидаги дўконидан умумий нархи тахминан 3 млн сўм бўлган 50 дона эркаклар ва болалар кўйлакларини ўғирлаганини маълум қилган. 

Олиб борилган тезкор чора-тадбирлар натижасида ушбу жиноятни Сурхондарё вилоятида яшовчи, вақтинча ишсиз Ж С. ва укаси, шу манзилда яшовчи, вақтинча ишсиз И.С.лар  содир этганлиги аниқланиб, ушланган. 

Кун янгиликлари
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 14699 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 43918 Жамият
Кун.uz офис изламоқда
15:48 / 06.08.2017 46011 Lifestyle
Тошкент ирригация ва қишлоқ хўжалигини механизациялаш муҳандислари институтида “Ҳаракатлар стратегияси хонаси” очилди
UMS марказий офисида «Artel Mobile» сотувлар офиси очилди
Янги авлодга қандай эришамиз?
АҚШ ва Жанубий Корея қўшма ҳарбий машқларни бошламоқда
09:44 353 Жаҳон
Экспертлар КХДР ракета-ядро кучлари қўмондонлиги қаерда жойлашганини аниқлашди
09:40 1059 Жаҳон
Американинг 10 дан ортиқ дипломати Кубада «акустик ҳужум»га учради
09:35 533 Жаҳон
Россия ҲКК ИШИДнинг 200 дан ортиқ жангарисини йўқ қилди
09:24 961 Жаҳон
Кўпроқ янгиликлар