2019 йилда Ўзбекистон каратэ бўйича Осиё чемпионатига мезбонлик қилади. Бундай қарор Осиё каратэ Федерациясининг (AKF) Остона (Қозоғистон) шаҳрида бўлиб ўтган Конгресси давомида қабул қилинди, деб хабар бермоқда 1news.uz.

AKF конгрессининг қарорига кўра, 2018 йилги Осиё чемпионати Иорданияда, 2018 йилги ёшлар ўртасидаги Осиё биринчилиги эса – Японияда бўлиб ўтади. 

2019 ва 2020 йиллардаги Осиё чемпионатлари мос равишда Ўзбекистон ҳамда Индонезияда ўтказилади.