Чехия ЕИ квоталари доирасида фақатгина 50 нафар қочқинни қабул қилиши ва ўз ҳудудида жойлаштириши мумкин. Бу ҳақда мамлакат ички ишлар вазири Милан Хованец хабар берган.

Чехиялик вазир Италия ва Греция ҳукуматини Прагага топширилаётган қочқинларни хавфсизликка текшириш жараёнига риоя этмасликда айблади.

«Хавфсизликка текшириш: Сен террорчимисан ёки йўқ, саволи билан чекланмаслиги лозим. ЕИнинг ҳеч бир давлати квоталар бўйича шартнома шартларига риоя қилаётгани йўқ. Шунинг учун Прагага қўйилаётган барча айбловлар асоссиздир», - деган вазир. Унинг таъкидлашича, Рим ва Афина эришилган келишувларга риоя этаётгани йўқ.

«Чехия Республикаси қочқинлар муаммосининг фундаментал ечимини излашда ёрдам кўрсатишга тайёр», - дея қўшимча қилиб ўтган Хованец.