Ўзбекистонда иссиқхона мажмуаларини гидропоника технологиясини қўллаган ҳолда ривожлантириш режалаштирилмоқда.

Ўзбекистон Президентининг “Иссиқхона мажмуаларини гидропоника технологиясини қўллаган ҳолда янада ривожлантириш ва ташкил этиш бўйича чора-тадбирлар тўғрисида”ги қарори лойиҳаси муҳокама учун эълон қилинди.

Гидропоника - тупроқсиз, озуқа моддалари эритмасида ўсимлик ўстириш усули саналади. Ўсимлик илдизни ўраб турувчи эритмадан озуқа олади.

Қарор лойиҳасига кўра, иссиқхона мажмуалари Ўзбекистоннинг барча ҳудудларидаги лалми ерларда ташкил этилади. Иссиқхоналарни ташкил этиш учун хорижий сармояларни жалб этиш режалаштирилмоқда.

Кутилишича, иссиқхона мажмуалари 2021 йилнинг охирига қадар солиқ ва божхона имтиёзларини олади.