Венесуэла ҳуқуқни муҳофаза қилиш идоралари ходимлари “Миллий ирода” мухолифат ҳаракатининг Карабобо штатидаги етакчиларидан бири Карлос Граффени қўлга олишди. Бу ҳақда El Nacional хабар бермоқда.

Нашр маълумотига кўра, Граффе Валенсия шаҳрида разведка хизмати ходимлари томонидан ушланган.

Ҳозирги пайтда унинг қаерда экани номаълум.

“Биз “Халқ иродаси”нинг Карабободаги раҳбари Карлос Граффе ўғирлаб кетилгани ҳақида маълум қиламиз. Улар 16 июль кунги референдумни тўхтата олишмайди”, - дея ёзди Миллий ассамблея вице-спикери Фредди Гевара Twitter’да.

16 июль куни мухолифат халқ референдумини ўтказишни мўлжалламоқда, унда таъсис йиғилиши чақиришнинг қонунийлиги ва Венесуэлада сайловлар ўтказиш имконияти масаласи кўтарилади.