Италиянинг L'Ultimo Uoma нашри Англиянинг «Куинз-Парк Рейнжерс» ва «Манчестер Сити» жамоалари баҳсидаги вазиятни футбол тарихидаги энг ёмон 20 сониялик ҳолат, деб тан олди. Бу ҳақда нашр ўз сайтида хабар берган. Видеоёзув Twitter’даги Ian Andrew Blair саҳифасида эълон қилинди.

Англия чемпионати доирасидаги учрашув 1993 йилда бўлиб ўтган. «КПР» ҳужуми давомида ушбу жамоа футболчиси бўш дарвозани ишғол эта олмади, «Манчестер Сити» ўйинчилари эса тўпни жарима майдонидан узоқлаштира олишмаган. L'Ultimo Uoma наздида ушбу вазиятни футбол тарихидаги энг ёмони, деб аташга 25 та сабаб бор.