Американинг The Walt Disney Company конгломерати Калифория ва Флорида штатларидаги кўнгилочар паркларида "Юлдузлар жанги" (Star Wars) кинофильмига бағишланган павильонлар ташкил этади. Уларнинг макети компаниянинг Анахеймдаги D23 кўргазмасида намойиш этилди. 

Паркларда фильмларда намойиш этилгани каби ўзга сайёралар мавзелари барпо этилади. Уларда мавзуларга доир дўконллар, тамаддихоналар, турли кўнгилочар бинолар пайдо бўлади. 

Режага кўра, аттракционлар 2019 йилда фойдаланишга топширилади. Аммо, уларнинг қандай номланиши маълум қилинмаяпти. Улар Калифорния ва Флоридада бир хил бўладими-йўқми, деган масала ҳам очиқ қолмоқда. 

D23 кўргазмасидаа намойиш этилган макет ўлчами 16 метрга яқин бўлиб, ҳар бир павильон майдони 50 минг кв.м.дан ошади. "Бу ушбу икки паркда амалга оширмоқчи бўлган энг йирик кенгайтиришдир", - деган Disney лойиҳаси раҳбарларидан бири Скотт Троубриж ABC телеканалига берган интервьюсида. Унинг айтишича, компаниянинг мазкур режаси устида 3 йилдан бери иш олиб борилмоқда. 

"Юлдузлар жанги" коиноти бўйича маслаҳатчилар сифатида Lucasfilm компанияси мутахассислари иштирок этмоқда. Маълумки, ушбу компанияни The Walt Disney Company 2012 йилда 4,05 млрд доллар эвазига харид қилган эди.