ВАЗ компаниясининг янги LADA Vesta SW Cross модели шу йилнинг кузида, октябрь-ноябрь ойларида сотувга чиқади. Бу ҳақда "АвтоВАЗ" автоконцерни президенти Николя Мор Очиқ эшиклар куни муносабати билан модел тақдимотида маълум қилди. 

"LADA Vesta SW Cross автомобили йилнинг сўнгги чорагида, тахминан октябрь-ноябрь ойларида сотувга чиқарилади, аммо ҳозирча муддат аниқлангани йўқ", - деган Мор. "АвтоВАЗ" раҳбари, шунингдек, янги модель нархига ҳам ойдинлик киритмаган. "Нархини кузда билиб оласиз", - дея таъкидлаган Николя Мор. 

Аввал хабар берилганидек, LADA Vesta SW Cross кроссоверга ўхшаш экспрессив дизайнга эга. 

LADA Vesta Renault-Nissan альянси мутахассислари иштирокида "АвтоВАЗ" муҳандислари томонидан ишлаб чиқилган LADA B/С платформасида барпо этилган.