Перунинг собиқ раҳбари яна бир ҳамкасби сақланаётган қамоқхонага юборилди

Жаҳон 15 Июль 2017 3617
Фото: RPP

Перу собиқ президенти Ольянта Умала 14 июль куни мамлакат пойтахти четидаги Атэ шаҳарчасида жойлашган Барбадильо қамоқхонасига келтирилган. Маҳаллий RPP радиостанцияси хабар қилишича, собиқ давлат раҳбари айнан шу қамоқхонада 18 ой умрини ўтказади. Бундан аввал Перу суди пулларни ноқонуний ўтказиш ва жиноий гуруҳни ташкил этишга доир иш юзасидан уни қамоққа олишга ордер берган эди. 

Хабар қилинишича, ушбу қамоқхонада Перунинг бошқа бир собиқ раҳбари Альберто Фухимори ҳам жазо муддатини ўтамоқда. 1990-2000 йилларда мамлакатни бошқарган сиёсатчи 2009 йил апрелида инсон ҳуқуқларини бузганликда айбдор деб топилиб, 25 йиллик қамоқ жазосига маҳкум этилган эди. 

Бундан бир неча кун аввал, маҳаллий ОАВ ва ижтимоий тармоқларда Фухимори жазони ўтаётган қамоқхона суратлари пайдо бўлди. Гап 800 кв.м. майдон ҳақида бормоқда. Унинг ичида бир неча хонали квартирага ўхшаш "камера" ва сиёсатчининг сайр қилиши учун кўкаламзорлаштирилган ҳудудлар ҳақида бормоқда.

Собиқ президент сақланаётган қамоқхона фотосуратлари кўплаб перуликларнинг ғазабига сабаб бўлган. Уларнинг фикрича, Фухимори бундай шароитда жазони ўтамаслиги керак. 

12 июль куни судья Ричард Консепсьон Каруанчо собиқ давлат раҳбари Ольянта Умала ва унинг рафиқаси Надин Эредиани ҳибсга олишга ордер берди. У пулларни ноқонуний ўтказиш ва жиноий гуруҳ ташкил этиш бўйича суд мажлисида шундай қарор қилган. Шунга кўра, гумонланувчилар 18 ой мобайнида қамоқда сақланади. Уларга шу муддат ичида ҳукм ўқилади.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14340 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11517 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47003 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8374 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 295 Жамият
Макка шаҳридаги меҳмонхоналардан бирида ёнғин чиқди
16:40 1582 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 1803 Lifestyle
Кўпроқ янгиликлар