Ҳаваи штати пойтахти Ҳонолулу шаҳри кенгаши тасдиқлаган қонун лойиҳасига кўра пиёдаларга кўчани кесиб ўтиш чоғида телефон ёзишмалари ўқиш ва ёзиш тақиқланади. Агар шундай иш билан машғул фуқаро ушланса, унга 100 доллар жарима тайинланади.

Ҳужжатда кўрсатилишича, пиёдаларга кўчани кесиб ўтаётганида смартфонига қараш ҳам тақиқланган. Фақатгина авария-қутқарув хизматларини чақириш ёки 911 рақамини териш бундан мустасно. Қолган ҳолатларда аҳоли, қоидани неча марта бузганлигига қараб, 15 доллардан 100 долларгача жаримага тортилади.

Кенгаш аъзоси ва лойиҳа муаллифи Брандон Элефантнинг сўзларига кўра, бу ғояни унга маҳаллий мактаб ўқувчилари беришган.

"Юқори синф ўқувчилари тенгдошлари кўчани кесиб ўтаётганида ён томонларига қараш ўрнига смартфонидан кўз узмай, турли нохуш ҳолатларга сабаб бўлиб қолишаётганидан ташвишланган. Замонавий технологиялар баъзи ҳолларда инсонларни диққат-эътиборли бўлишдан чалғитади", — деган Брандон Элефанте.

Қонун лойиҳасига қарши шаҳар кенгашининг фақатгина бир нафар аъзоси овоз берган. У штатда бундан ҳам муҳимроқ муаммолар, масалан, уйсизлар сони ва бюджет танқислиги борлигини эслатиб ўтган.