ЕЧЛ финали вақтида «Ювентус» футболчилари ўртасида можаро бўлганми?

Спорт 16 Июль 2017 13103

Италияда «Ювентус»нинг асосий ҳимоячиларидан бири Леонардо Бонуччи Туринни тарк этиб, «Милан» сафига қўшилгани сабаблари муҳокама қилинмоқда.

La Stampa нашри Европа чемпионлар лигаси финалида рўй берган воқеа ҳақида инсайдерлик хабарини тарқатди. Унга кўра, финал учрашуви танаффуси вақтида «Ювентус» кийим алмаштириш хонасида можаро рўй берган.

Хабарда айтилишича, биринчи бўлимдан кейин (1:1) танаффус вақтида Дани Алвес жамоадоши Пауло Дибаладан ғазабланган, уни жон куйдириб ўйнамаётганликда, босим ўтказмасликда ва сариқ карточкадан сўнг ўйинни ташлаб қўйганликда айблаган.

Шу вақтда хонага жамоа бош мураббийи Массимилиано Аллегри кириб келиб, Дибалани ҳимоя қилган ва Алвесдан ўзини босиб олишни сўраган.

Леонардо Бонуччи эса Алвеснинг фикрига қўшилган. Дибала кулимсираб, ўзини эътирозларга бепарво тутади. Бонуччи бундан ғазабланиб, Дибаланинг томоғидан ушлайди ва уни бурчак итариб юборади.

Шунда ўртага Андреа Барзальи тушиб, Алвес ҳамда Бонуччидан тинчланишни сўрайди. 

Бонуччи эса Барзальининг ўзини ҳам айблашга тушади, унга бу жамоадоши биринчи бўлимда Марселони бир неча марта ўтказиб юборгани ёқмаганди.

Ўз навбатида Барзальи ҳам жим турмайди ва биринчи гол Бонуччининг хатосидан келиб чиққанини унинг юзига солади ва футболчилар муштлашиб кетишига бир бахя қолади. Аллегри бир амаллаб муштлашувнинг олдини олади.

«Бу жамоа билан бошқа ўйнамайман. Энди менсиз давом этади». Бу Бонуччининг иккинчи бўлимга чиқиш олдидаги фикрлари эди. «Ювентус» кейин ҳеч нарса қила олмади ва «Реал» рақиб дарвозасини 3 марта ишғол қилиб, турнир ғолибига айланди.

Бу ҳодисада яна бир вазият бўлган. Унга кўра, ўйиндан олдин Аллегри Алвесдан ЕЧЛнинг бир неча бор ғолиби сифатида иштиёқ уйғотувчи нутқ сўзлашни сўраган. Бразилиялик футболчи сўзини бошлаганида Дибала уни тингламай, телефонини ўйнаб, мусиқа тинглаб ўтган. Бразилиялик футболчи бунинг учун уни қаттиқ жазолаган: телефонини тортиб олиб, деворга отиб синдирган.

Якунда туринликлар жамоаси икки футболчисидан қутулишга тўғри келган. Аввалроқ 35 ёшли Алвес эркин агент мақомида Парижга йўл олганди.

Бонуччининг трансферидан эса туринликлар 40 миллион еврога яқин маблағ ишлаб олишди.

Кун янгиликлари
Forta Business Education – тадбиркорлар учун энг зарур бизнес форум
12:46 / 21.07.2017 3259 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 36538 Ўзбекистон
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 46542 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 83833 Жамият
РФПЛ. "Локомотив" сафарда ЦСКАни мағлуб этди
00:24 696 Спорт
Эрталаб уйқудан туриш нега бироз мушкул?
00:10 2040 Lifestyle
Тест синовларида уяли телефонлардан фойдаланмаслик йўли: алоқани бутунлай узиш шарт(ми?)
23:43 / 21.07.2017 4151 Жамият
LG Q8 смартфонини ишлаб чиқарди
23:37 / 21.07.2017 1333 Технология
АҚШ 2016 молия йили учун Покистонни ҳарбий компенсациялар миқдорининг ярмисидан маҳрум қилади
23:35 / 21.07.2017 578 Жаҳон
Партия “уйғонди”: Сарвар Отамурадов уюшмаган ёшлар билан мулоқот қилиш мақсадида Наманганга келди
23:31 / 21.07.2017 1213 Ўзбекистон
Кўпроқ янгиликлар