"Мерседес"нинг британиялик пилоти Люис Ҳэмилтон "Формула-1" жаҳон чемпионатининг 10-босқичи — Буюк Британия гран приси ғолибига айланди.

Якшанба куни бўлиб ўтган пойгада британиялик пойгачининг жамоа бўйича шериги финландиялик Валттери Боттас (+14,063 сония) маррага иккинчи бўлиб етиб келди. Учликни "Феррари" жамоаси таркибида қатнашаётган финландиялик яна бир пилот Кими Райкконен (+36,570) якунлаб берди.

Боскичнинг дастлабки ўнлигига қўйидаги спортчилар киришди:

4. Макс Ферстаппен (Нидерландия, "Ред Булл", +52,125 сония); 

5. Дэниел Риккиардо (Австралия, "Ред Булл", + 1 дақиқа 5,955 сония);

6. Нико Ҳюлкенберг (Германия, "Рено", +1.8,109)

7. Себастьян Феттел (Германия, "Феррари", +1.33,989)

8. Эстебан Окон ("Форс Индия", +1 доира); 

9. Серхио Перес (Мексика, "Форс Индия", +1 доира);

10. Фелипе Масса (Бразилия, "Уилямс", +1 доира).

"Формула-1"нинг кейинги босқичи 28–30 июль кунлари Венгрияда бўлиб ўтади.