ЕИ Ливияга қарши санкциялар киритди

Жаҳон 17 Июль 2017 2653
Фото: Global Look Press / Cai Yang

Европа иттифоқи Ливияга қарши чеклов чораларини киритди ҳамда ушбу давлатга пуфланадиган қайиқлар ҳамда олиб юрилувчи қайиқ моторлари етказиб беришни тақиқлади. Бу ҳақда Евроиттифоқ Кенгаши томонидан қабул қилинган Ливия бўйича баёнотда айтилади.

«Кенгаш Ливияга пуфланадиган қайиқлар ва олиб юрилувчи қайиқлар моторларини етказиб беришга чеклов киритди», - дейилади баёнотда.

Таъкидланишича, ушбу товарлар кишиларни ноқонуний олиб ўтишда қўлланилиши мумкин.

Шу билан бирга, кенгаш ЕИнинг ливиялик чегарачиларни тайёрлаш бўйича кўмак миссиясини 2018 йилнинг охирига қадар чўздириш ҳақида қарор қабул қилган.

Аввалроқ ЕИ Суриядаги кимёвий ҳужумлар туфайли қатор шахсларга нисбатан санкциялар киритгани хабар қилинганди.

Кўпроқ янгиликлар