«Милан» клуби спорт ишлари директори Массимилиано Мирабелли «Реал» ҳужумчиси Альваро Мората ва «Бавария» ярим ҳимоячиси Ренату Саншешни трансфер қилиш бўйича ишлар олиб борилаётганини маълум қилди.

«Моратага аввалбошдан қизиқиш билдирганмиз. У биз учун жуда мос. Аммо охирги вақтларда бу трансфер бўйича ишлар тўхтаб қолганди. Бу борадаги алоқалар тикланиши мумкин, аммо бизнинг шартларимиз билан.

Саншешни биз жуда яхши биламиз. Уни «Бенфика»далигидаёқ кузата бошлаганмиз. «Бавария»да унда ўйин амалиёти бўлмади. Биз уни ўз сафимизга қўшиб олиш имкониятларини ўрганмоқдамиз. Аммо маълум шартлар эвазига», дея Мирабеллининг сўзларини келтирган Premium Sport.

«Милан» Моратага катта маош таклиф қилди

Қайд этиш керакки, Альваро Мората «Манчестер Юнайтед»га ўтиши ҳақидаги хабарлардан кейин «Милан» унга бўлган қизиқишини йўқотганди. Аммо Манчестер жамоаси Моратани эмас, Ромелу Лукакуни харид қилди. Шундан сўнг, аввалига 90 миллион еврога баҳоланган Альваро Моратанинг нархи пасайган. Охирги хабарларга кўра, «Милан» уни 70 миллион еврога сотиб олиши мумкин.

«Милан» давом этади. Навбатда Саншеш

Саншеш эса 7 миллион евро эвазига икки йил муддатга ижарага олиниши, икки йилдан кейин унинг трансфер ҳуқуқи 40 миллион евро эвазига харид қилиниши айтилган.

«Милан»ни тўхтатиб бўлмаяпти. Жамоа бош директори яна ҳужумчилар истамоқда