Украина бош вазири Владимир Гройсманнинг маълум қилишича, 2019 йилги сайловларда мамлакат президенти лавозими учун ўз номзодини қўйиш ниятида эмас. Бу ҳақда у «112 Украина» телеканалига берган интервьюсида айтиб ўтди.

«Аввал ҳам айтгандим, ҳокимиятнинг айнан ижро тармоғида самарали иш олиб боришимни сезаман. Шунинг учун менда бундай режалар йўқ», - дея айтиб ўтди Гройсман тегишли саволга жавоб қайтариб.

Бундан ташқари, унинг таъкидлашича, ўзини Украина президенти сифатида кўрмайди.

Аввалроқ Украина собиқ бош вазири мамлакатда ҳокимият ўзгаришини башорат қилганди.