Видеорепортаж: Таъмирталаб канализация муаммосини ҳал этиш учун йиллар керак бўладими?

Жамият 17 Июль 2017 14656

Хабарингиз бор Кун.uz таҳририятининг ижодий жамоаси Қашқадарё вилоятида бўлиб қайтди. Мазкур ташриф давомида вилоят аҳолиси томонидан йўлланган мурожаатлар билан яқиндан танишилди. Ана шундай мурожаатлардан бири Шаҳрисабз тумани Мираки қўрғончаси аҳолисидан таҳририятимизга йўлланган эди.

Маълумки, вилоятдаги Мираки қўрғончаси табиати сўлимлиги билан ажралиб туради. Шу боис бу ерга ҳордиқ чиқариш мақсадида Ўзбекистоннинг турли чеккаларидан ташриф буюришади. Аммо мана шу табиати гўзал ва боҳаво гўшанинг чиройига путур етказиб келаётган сабаблар киши кўнглини ғаш қилмасдан қолмайди. Бугунги кунда мазкур қўрғончада жойлашган кўп қаватли уйларнинг канализацияси таъмирталаб бўлиб, улардан чиқинди сувлар сизиб чиқмоқда ҳамда аҳоли истеъмол қиладиган ариқларга бориб қўшилмоқда.

“Аниқ айтишим мумкинки, уч йилдан буён мана шу канализация таъмирталаб бўлиб, ундан ифлос сув сизиб чиқади”, дейди маҳаллий аҳоли вакилларидан бири. “Тозалаш ишлари юзаки қилинади. Бу чиқинди сув бориб қўшиладиган ариқ сувидан биздан қуйида жойлашган тўрт-беш қишлоқ аҳолиси истеъмол қилади”.

Ташриф давомида маълум бўлдики, маҳаллий аҳоли вакилларини канализациядан ташқари, чиқинди муаммоси ҳам қийнаб келади. Аниқроқ айтадиган бўлсак, чиқинди оладиган махсус транспорт бу ерга келмайди. Шу сабаб чиқиндилар уюми узоқ туриб қолиши оқибатида аҳолига жуда катта ноқулайлик туғдирмоқда.

Канализация масаласи юзасидан Республика “Сувоқава” ДУК Шаҳрисабз тумани филиали раҳбари Адҳам Юсуповга юзландик. 

“Мираки шаҳарчасида 1979-1985 йилларда “Ҳисорак” сув омбори қурилган бўлиб, мазкур қурилиш муносабати билан у ерда ишлаган ишчилар учун 20 га яқин турар-жой биноси қуриб берилган. Ушбу турар-жойга 9,1 км. масофага канализация қувури тортилган. Йиллар ўтиб, “Ҳисорак” сув омбори қурилишида ишлаган ишчиларга мазкур турар-жой бинолари хусусийлаштириб берилган. Шу боис у ернинг канализацияси ҳам маҳалла балансида қолиб кетган. Қувурлар орадан йиллар ўтиб, ташқи муҳит таъсирига учраган ва таъмирталаб ҳолга келиб қолган”.

Адҳам Юсуповнинг таъкидлашича, мазкур канализацияни тўлиқ таъмирлаш ишлари 2021 йилда мўлжалланган. Бироқ бу кечиктириб бўлмайдиган иш бўлгани учун тегишли ташкилотларга хат орқали чиқилган ва таъмирлаш ишларини 2017 йилнинг иккинчи ярмидан бошлашга эришилган.

Жамият ҳаётида турли муаммолар учраб туради. Вақти-соати келиб, уларнинг ечими топилади ва ҳал этилади. Аммо айрим масалалар ортга суриб бўлмас ҳолатлар ҳисобланади. Жумладан, юқоридаги вазият ҳам. Чунки сув ҳаёт манбаи. У инсониятга, бутун борлиққа ҳаёт бағишлайди. Уни заҳарга айлантириш ва бунга лоқайдлик билан қараш эса ҳақиқий жиноятдир. Ўйлаймизки, юқоридаги ҳолат билан боғлиқ муаммолар қаерда бўлмасин тезкорлик билан ўз ечимини, албатта, топади.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71425 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37185 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21542 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81228 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61913 Жамият
Forbes: Бой бўлишдан уялмаган Малкольм Форбс
01:13 753 Lifestyle
Зидан ҳеч қандай музокараларсиз «Реал» билан шартномани узайтиради
00:53 576 Спорт
Бразилияда бортида 70 киши бўлган паром чўкиб кетди
00:20 589 Жаҳон
Германиядаги йўл-транспорт ҳодисасида 44 руминиялик жабрланди
00:17 258 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 541 Маданият
Кўпроқ янгиликлар