Швейцариянинг Альп тоғларида бундан 75 йил муқаддам ғойиб бўлган эр-хотин жасадлари топилди, деб хабар берди Рейтер агентлиги. Улар эриётган музликлар устида топилган. 

1942 йил август ойида Вале кантони Шандолен қишлоғида истиқомат қилувчи Марселен ва Франсин Дюмулен сигирларни соғиш учун уйдан чиқиб кетиб, қайтиб келишмаган. Ўтган ҳафтада ишчилардан бири 205 метрдан баландроқда жойлашган Ле-Дьяблер тоғ-чанғи курортига чиқавериш яқинидаги Цанфлерон музлигида жасадларга дуч келган. Хабар қилинишича, ҳалок бўлганларнинг ёнида ҳужжатлари ҳам бўлган. 

«Жасадлар ёнма-ён ётар эди. Уларнинг бири эркак ва иккинчиси аёл кишига тегишли бўлиб, либослари Иккинчи жаҳон уруши даврига оид эди. Улар музликда яхши сақланган, шахсий буюмларининг ҳолати ҳам ўзгармаган», — дея маълум қилган  Glacier 3000 тоғ станцияси Бернхард Тшаннен.

Марҳумларнинг кичик қизи, 79 ёшли Марселен Удри-Дюмуленнинг айтишича, ўтган давр мобайнида фарзандлар ота-оналарини қидиришган. Агентликнинг қайд этишича, жасадлар шахсини тасдиқлаш учун уларнинг яқинлари ДНК-тестини топширишлари  керак.