Foto: tv360
Rossiya tashqi ishlar vazirining o‘rinbosari Sergey Ryabkov va AQSh davlat kotibi o‘rinbosari Tomas Shennon rus diplomatik mulki masalasini “deyarli hal etishdi”, deb xabar bermoqda CNN telekanali.
Xabar qilinishicha, Ryabkov Davlat departamenti binosidan 2,5 soat o‘tib chiqqanida, jurnalist undan masala hal etilgani borasida qiziqqan.
“Deyarli, deyarli”, - deya Ryabkovning so‘zlarini keltiradi telekanal.
Ta'kidlanishicha, Shennon uchrashuv yakunlariga izoh bermagan.
Avvalroq Oq uy Rossiyaning AQShdagi mulkiga doir muammoni izohlamagani xabar qilingandi.
