Фаолиятини Россиянинг «Ростов» клубида давом эттирадиган бўлган ўзбекистонлик ҳужумчи Элдор Шомуродов янги клуби сафида илк марта интервью берди ва Дон клубига ўтиши сабаблари ҳақида гапирди.

«Албатта, мен учун бу ерда бўлиш ёқимли ҳодиса. «Ростов»ни нафақат Россияда, Европада ҳам яхши билишади. Мен «Ростов» мухлисларини хурсанд қилиш учун қўлимдан келган барча ишни қиламан.

Мен жамоанинг «Бавария» ва «Манчестер Юнайтед» клубларига қарши ўйинларини томоша қилганман, бу ўйинлар менда катта таассурот қолдирган. Бу «Ростов»ни танлашим сабабларидан биридир.

РФПЛдаги ҳужумчилардан менга «Локомотив»даги Арининг, Россия терма жамоаси ҳужумчиси Федор Смоловнинг ўйин услуби ёқади. Жамоада ҳам яхши ҳужумчилар бор ва улардан кўп нарса ўрганиш мумкин», – дея Шомуродовнинг сўзларини келтирган Donnews.ru.

«Ростов»да ушбу ўзбекистонлик 22 ёшли ҳужумчи 14-рақам остида тўп суради, бунгача ушбу рақам ёзги трансферлар вақтида «Зенит»га йўл олган Дмитрий Полозга тегишли эди.