Испанияда ўнлаб кишилар от гўштини сотиш иши бўйича ушланди

Жаҳон 18 Июль 2017 6021

Испания полицияси Европа бўйлаб от гўштини сотиш билан шуғулланиб келган жиноий тўдага қарши махсус амалиёт доирасида 65 кишини қўлга олиб, уларга нисбатан айблов эълон қилди. Гумондорлар истеъмолга яроқсиз, эски гўштларни сотиш, уларни меъёрлардан четланган ҳолда қадоқлашган. Европол томонидан эълон қилинган баёнотда шу ҳақда сўз боради.

Испания полицияси Европол билан ҳамкорликда қўлга олинганларни жониворларни таҳқирлаш, ҳужжатларни сохталаштириш, жамоат соғлиғига қарши жиноятларни содир этиш, пулларни ноқонуний йўллар билан ўтказиш ва жиноий гуруҳ аъзоси бўлиш каби жиноятларни содир этганликда айбламоқда. 

Мазкур суриштирув 2013 йили Европада авж олган от гўшти можароси билан бевосита боғлиқ экани таъкидланмоқда. Ўшанда, Ирландия озиқ-овқат хавфсизлиги давлат идораси ўзи ўрганган 27 та ҳамбургернинг 10 таси таркибидан от гўшти ДНКларини топган эди. 

Масалан, Буюк Британиянинг энг йирик чакана савдо тармоғи Tesco супермаркетида сотилаётган бургерларнинг 29 фоизида от гўшти аниқланганди. 

Қитъанинг 16 мамлакатидаги истеъмолчиларга маҳсулот етказиб берувчи Франция компанияси – Comigel ҳам можаро марказида қолганди. Унинг маҳсулотларида мол гўшти деб қадоқланган, музлатилган ярим тайёр маҳсулотларнинг 60 фоиз таркиби от гўштидан иборатлиги фош этилганди. 

Можародан сўнг олиб борилган текширувлар "от гўштини таъминлаш соҳасида машҳур бўлган нидерландияликни аниқлашга имкон берган", дейилади Европол хабарида. 

Кейинчалик, гумондорнинг жиноий тўда раҳбари экани аниқланган. 2016 йилда маълум бўлишича, отлар Испания шимолидаги махсус кушхоналарда сўйилиб, керакли ҳужжатлар сохталаштирилгач, Бельгияга юборилган. Испаниядаги кушхоналардан олинган гўштлар таҳлил қилингач, от гўштлари асосан хорижга юборилгани аниқланган. 

Жиноий гуруҳ етакчиси Бельгияда қўлга олинган. Бундан ташқари, Франция, Португалия, Италия, Руминия, Швейцария ва Буюк Британияда полиция амалиётлари ўтказилган эди. 

Кун янгиликлари
“Tashkent study”да имтиҳондан муваффақиятли ўтиш сирларини ўрганинг
10:36 1099 Жамият
Оққон билан оғриган 5 ёшли бола тезкор ёрдамга муҳтож
17:52 / 24.07.2017 14324 Жамият
Сиз сўнгги марта қачон тиббий текширувдан ўтдингиз?
11:11 / 24.07.2017 18664 Жамият
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 90197 Жамият
Дунёнинг энг ғаройиб майнинг-фермалари суратларда
11:30 1011 Lifestyle
ProCab тақдимоти: ҳам фойдали маълумотлар, ҳам ёқимли совғалар улашилган анжуман
11:13 340 Жамият
БМТ бош котиби Форс кўрфази давлатларига баёнот билан чиқди
11:02 804 Жаҳон
Тест синовларига келмаган кузатувчилар билан асосий иш жойидаги меҳнат шартномаси бекор қилинади
10:44 3161 Жамият
1 август куни Тошкентда жамоат транспорти соат 4:30дан иш бошлайди 
10:26 2646 Жамият
ДТМ томонидан абитуриентларга махсус рухсатномалар 29 июлдан бошлаб берилади
Кўпроқ янгиликлар